Á fundinum gafst mikilvægt tækifæri til að kynna verkefnið fyrir fagfélögum skrúðgarðyrkjunnar í Noregi, Svíþjóð og Danmörku. Fulltrúar þessara félaga lýstu yfir miklum áhuga fyrir að tengjast verkefninu í framtíðinni. Einnig var farið yfir námskrárvinnu og sameiginleg lærdómsviðmið rædd. Á fundinum kynnti Jens Thejsen áhersluatriði varðandi “grænni” hugsunarhátt í kennslu og störfum skrúðgarðyrkjumanna.

Samstarfshópnum var boðið til glæsilegrar afmælishátíðar fagfélags skrúðgarðyrkjumanna í Finnlandi. Af því tilefni færði Horticum menntafélag formanni fagfélags skrúðgarðyrkjuverktaka í Finnlandi, Hendrik Bos, bókina “Íslendingar”. Von er á fulltrúum finnska félagsins til Íslands í byrjun september.

Næsti fundur samstarfshópsins verður haldinn á Akureyri og mun Jón Birgir Gunnlaugsson, forstöðumaður umhverfismála hjá framkvæmdadeild Akureyrarbæjar, taka þátt í fundinum.

Á námskeiðinu verður hinum ýmsu lausnum gerð skil, bæði mismunandi markmiðum með þeim sem og tæknilegri útfærslu þeirra. Farið verður í það hvaða lausnir henta við tilteknar aðstæður og hvenær slíkar lausnir henta síður. Jafnframt verður farið í hreinsivirkni lausna og kostnað og samanburð við hefðbundnar lausnir.
Loks verða sýnd dæmi um notkun sjálfbærra ofanvatnslausna frá Íslandi og nágrannalöndunum en umsjónarmenn námskeiðsins hafa komið að nokkrum slíkum verkefnum og kynnt sér slíkar lausnir erlendis.
Markmiðið með námskeiðinu er að fólk sem kemur að ákvörðunum varðandi val á ofanvatnslausnum og rekstur þeirra fái betri þekkingu á þessum fyrirbærum.

Námskeiðið er ætlað tæknimönnum á sviði fráveitu- og gatnahönnunar, landslagsarkitektum, arkitektum og rekstraraðilum gatna.

Kennsla / umsjón:

Reynir Sævarsson, byggingarverkfræðingur hjá verkfræðistofunni Eflu og Þráinn Hauksson, landslagsarkitekt FÍLA, frá ráðgjafarfyrirtækinu Landslagi.

Skráningarfrestur er til 7. október 2010.

]]> http://www.horticum.is/?feed=rss2&p=498 0 http://www.horticum.is/?p=490 http://www.horticum.is/?p=490#comments Sun, 29 Aug 2010 09:26:58 +0000 baldur http://www.horticum.is/?p=490 Í samstarfi við HORTICUM menntafélag.

Í gróðrastöðvum eru hinir svokölluðu haustlaukar samnefnari fyrir hinar ólíku tegundir jurta sem oft á tíðum blómstra snemma vors og hafa annað hvort lauka eða hnýði sem hægt er að selja í gróðrastöðvum án róta. Túlipanar eru líklega þekktastir haustlauka og þá þekkja flestir, en færri vita að mismunandi yrkishópar hafa mismunandi blómgunartíma, bera kögur eða ekki og eru jafnvel grænir. Sama á við um páskaliljur, allir þekkja þessar gulu, en hversu margir ætli þekki þessar bleiku?

Kennari á námskeiðnu er Hjörtur Þorbjörnsson Grasafræðingur

Skráningarfrestur er til 30. ágúst 2010.

Námskeiðinu er ætlað að gera hinum ólíku tegundum haustlauka skil. Mun ólíkra yrkishópa túlipana og páskalilja verður gert skil og eins verða ólíkar tegundir af krókusum og þeirra helstu yrkjum skoðuð. Ræktunarsaga helstu tegundanna verður rakin og farið verður í ólíkar kröfur þeirra til gróðursetningar, jarðvegs og birtuskilyrða. Námskeiðið er ætlað hinum almenna garðræktanda sem hefur áhuga á að auka þekkingu sína á haustlaukum.

Husqarna og Gardena, með stærstu garðvöruframleiðendum heims, gáfu nýlega út skýrsluna „Global garden report 2010“ sem fjallar meðal annars um nýjustu strauma og stefnur í garðyrkju og hver séu heitustu málefnin í heimi garðyrkjuáhugafólks á heimsvísu. Skýrslan er sögð byggð á upplýsingum frá um 1.4 milljóna bloggfærslna frá 13 löndum. Skýrsluhöfundar telja mikilvægt að fylgjast með því sem bloggað er um garða og garðyrkju til að tryggja rétta vöru- og vélaþróun.

Eftirfarandi eru sex af tíu heitustu málefnum alheims-garða-bloggara

Matjurtagarðurinn: Í efsta sæti visældalistans situr matjurtagarðurinn og kemur ekki á óvart. Sem dæmi má nefna að áhugi okkar Íslendinga hefur stóraukist á ýmis konar mat- og kryddjurtarækt, það sannar stóraukin sala á fræjum, útsæði, laukum og plöntum. Framboð fróðleiks, m.a. bóka og námskeiða hafa einnig stóraukist á síðustu árum bæði hér á Íslandi sem og erlendis. Fólk vill rækta garðinn sinn, hafa af því afþreyingu og ánægju og ekki síst uppskera gómsætar mat- og kryddjurtir.

Lífræni garðurinn: Umhverfi og loftslag eru meðal mikilvægustu málefna sem lönd þessa heims láta sig varða. Lífræn ræktun felur meðal annars í sér að taka umhverfið og náttúruna með í reikninginn og nota ekki eiturefni eða tilbúinn áburð.  Vinna með náttúrunni frekar en stýra henni. Hringrás lífrænna efna, jarðgerð og molta er meðal þess sem lífræni garðurinn nýtir sem jarðvegsbæti og áburð.

Notalegi garðurinn: Aukið amstur, streita og andlegt álag eru hlutir sem margir kannast við. Í notalega garðinum er kyrrð og ró, skjól fyrir áreiti og áhyggjum. Gróðurinn, litirnir, ilmurinn, snertingin, suðið í flugunum og söngur fuglanna…

Hannaði og listræni garðurinn: Formklippingar, útpældar plöntusamsetningar, reglubundnar litasamsetningar, styttur og skúlptúrar eru meðal þess sem þessi garður hefur að bjóða. Garður fyrir fólk með stíl og smekk fyrir hönnun og „hannaðri náttúru“.

Villti garðurinn: Hið villta og óvænta. Er þetta garður letingjans sem gafst upp á umhirðunni og allt fór í órækt, eða er þetta úthugsaður garður, hannaður eins og guð sjálfur hefði viljað hafa hann?

Félagslegi garðurinn: Verum saman í garðinum, notum hann og nýtum til samverustunda, t.d. fyrir skemmtanir og uppákomur svo sem afmælisveislur, vinamót og garðpartý. Garðar fjölbýlishúsa- og almenningsgarðar eru til dæmis tilvaldir til slíkra nota. Skemmtum okkur saman og njótum náttúrunnar en munum eftir að taka tillit til annarra, ganga vel um og skilja við hlutina eins og við sjálf viljum koma að þeim.

Lesið nánar um stefnur og strauma garðyrkjunnar á heimasíðu Husqarna: www.husqvarna.com

Undanfarnar vikur hefur Horticum menntafélag haldið námskeið fyrir starfsmenn sem sinna daglegri umhirðu grænna svæða. Áherlsuatriði námskeiðanna eru fagleg vinnubrögð, meðferð véla og verkfæra auk almennra öryggisatriða og líkamsbeitingar. Nokkur námskeiðanna voru haldin í samstarfi við Heilsuvernd þar sem sérfræðingar í réttri líkamsbetingu og starfsöryggi héldu fyrirlestur. Garðyrkjudeildir Reykjavíkurborgar, Garðabæjar, Kópavogs og Faxaflóahafna eru meðal þeirra sem fengu Horticum til að leiðbeina starfsmönnum.                                                                                 Á myndinni sjást Erla Bil Bjarnardóttir Garðyrkjustjóri Garðabæjar og Baldur Gunnlaugsson frá Horticum menntafélagi á flokkstjóranámskeiði í Garðabæ.

Samnorrænt verkefni í námsskrár- og námsefnisgerð á sviði skrúðgarðyrkju

Laugardaginn 2. október s.l. var verkefnið Nordland2011 formlega sett á laggirnar. Verkefnisstjórn er í höndum Horticum menntafélags ehf. en þátttaendur í verkefninu eru: Félag skrúðgarðyrkjumeistara á Íslandi og Finnlandi, Jordbrugets uddannelsescenter Aarhus og Verte í Finnlandi. Verkefnið felur m.a. í sér námsskrárgerð og námsefnisgerð á sviði skrúðgarðyrkju á norðurlöndunum.

Nýverið gerði Horticum menntafélag samkomulag við Fréttablaðið varðandi pistlaskrif um garðyrkju og umhverfistengd málefni. Gert er ráð fyrir að pistlarnir verði birtir í sérblaðinu “Hýbýli og viðhald” enda megin viðfangsefnið viðhald og uppbygging grænna svæða. Lesendum mun í kjölfarið gefast kostur á að sækja ýmsan fróðleik varðandi garðyrkju- og umhverfistengd málefni á heimasíðuna www.meistari.is Sjá nánar um grein fréttablaðsins hér.

Sala bókarinnar “Vinnan í garðinum”, sem gefin er út í samstarfi við Blómaval, fer vel af stað. Nú þegar eru rúmlega 1000 eintök seld. Höfundar bókarinnar, þeir Baldur Gunnlaugsson, Magnús Bjarklind, Björn Gunnlaugsson og Sveinn Aðalsteinsson hafa komið að kynningum í verlsunum Blómavals. Almennt eru garðeigendur mjög ánægðir með framsetningu efnis í bókinni, sem er ríkulega myndskreytt og textar settir fram á einfaldan og aðgengilegan hátt. Á myndinni hér að ofan sjást þeir Baldur Gunnlaugsson og Björn Gunnlaugsson á spjalli við áhugasama garðeigendur í Blómaval.

Garðverkin – handbók um vinnuna í garðinum

Bókin er skrifuð með það í huga að lesandinn hafi ekki áralanga reynslu eða menntun í garðyrkju en hafi áhuga á að reyna sig við garðverkin og njóta til þess leiðsagnar fagmanna. Bókin hefst á því sem flestir nýbakaðir garðeigendur byrja á að fást við þ.e. á grasflötinni og umhirðu hennar. Eftir því sem líður á texta koma frekari lýsingar á fjölbreyttari garðverkum t.d. gróðursetning og umhirða sumarblóma, fjölæringa, trjáa og runna. Markmið höfunda er að kynna sem flest garðverk á auðskiljanlegan hátt en síðan geta áhugasamir leitað sér frekari fróðleiks á námskeiðum eða tileinkað sér fróðleik á netinu. Verkunum í garðinum lýkur aldrei hjá áhugasömum eiganda eða notanda og sífellt er hægt að bæta við tegundum til skrauts eða nytja.

Við sem að þessari bók stöndum höfum allir áralanga menntun og reynslu við byggingu og umhirðu garða og jafnframt stundað kennslu í garðyrkjuskólum, bæði á Íslandi og erlendis. Það var markmið okkar hafa myndefnið ríkulegt og leiðbeiningar skýrar og einfaldar. Höfundar texta eru, þeir Magnús Bjarklind, Baldur Gunnlaugsson, Björn Gunnlaugsson og Sveinn Aðalsteinsson.

Bókin er seld í verslunum Blómvals / Húsasmiðjunnar og kostar aðeins 1.490 kr. sjá nánar hér

]]> http://www.horticum.is/?feed=rss2&p=455 0 http://www.horticum.is/?p=453 http://www.horticum.is/?p=453#comments Thu, 22 Apr 2010 22:21:24 +0000 admin http://www.horticum.is/?p=453

Matjurtir (22. og 24. maí)

Garðverkin (dagsetning liggur ekki fyrir)

Staðbundin jarðgerð (8. apríl)

Trjárækt á sumarhúsalóðum (19. apríl)

Kryddjurtir (27. apríl)

Rósarækt (4. og 6. maí)

Safnhaugagerð. (17. og 18. maí)

Sjá nánar á vef endurmenntunar: www.endurmenntun.is

Námskeiði í faglegri umhirðu trjágróðurs lauk í gær. Góð þátttaka var á námskeiðinu og voru nemendur m.a. frá Orkuveitu Reykjavíkur, Landsvirkjun, Kirkjugörðum Reykjavíkurprófastdæma, Reykjavíkurborg, Sorpu o.fl. Þátttakendur voru ángægðir með uppbyggingu og innihald námskeiðsins og ekki spillti afar sólríkt og gott veður fyrir. Kennslan fór fram í Ræktunarstöðinni í Fossvogi þar sem aðstaðan er afar góð, bæði til verklegrar útikennslu og fyrirlestra innandyra.

]]> http://www.horticum.is/?feed=rss2&p=450 0